15 Maj 2022
Avokati I Popullit Dënon Sulmin Ndaj Aktivistit Lgbti
![AVOKATI I POPULLIT DËNON SULMIN NDAJ AKTIVISTIT LGBTI](/media/manager/website/articles/281559760_670883167557462_8222899080635689853_n.jpg)
Avokati i Popullit dënon sulmin brutal ndaj aktivistit të lëvizjes LGBTI në Shqipëri David Hardy i cili u dhunua në mënyrë të paprovokuar ditën e djeshme.
I kërcënuar disa herë vetëm për shkak të identitetit seksual, Davidi është vetëm viktima e radhës e një mendësie dhe gjuhe urrejtjeje e cila nëse nuk adresohet prodhon agresorë si ata që sulmuan një qytetar paqësor të Republikës.
Avokati i Popullit u bën thirrje autoriteteve të zbardhin pa vonesë ngjarjen e të nxjerrin para përgjegjësisë shkaktarët. Po ashtu Avokati i Popullit i shpreh solidaritetin David Hardy-t dhe u kërkon viktimave të tjera të kësaj dhune të urryer, të mos heshtin.