3 Nëntor 2022
Avokati I Popullit Rekomandon Garantimin E Të Drejtës Së Ankimit Për Rezultatet E Maturës Shtetërore
![AVOKATI I POPULLIT REKOMANDON GARANTIMIN E TË DREJTËS SË ANKIMIT PËR REZULTATET E MATURËS SHTETËRORE](/media/manager/website/articles/313177194_804464977532613_4567303828571950100_n.jpg)
Avokati i Popullit u ka kërkuar autoriteteve që të lejojnë rivleresimin e testeve në kuadër të provimeve te Maturës Shtetërore.
Në një rekomandim të dërguar ditën e sotme Ministrisë së Arsimit dhe Sportit si dhe Ministrisë së Financave dhe Ekonomisë, institucioni i Avokatit të Popullit ka kërkuar marrjen e masave të menjëhershme për ndryshimin e pikës 11 të nenit 26, të Rregullores “Për Zhvillimin e Maturës Shtetërore në Republikën e Shqipërisë”, e cila ndalon të drejtën e ankimit.
Avokati i Popullit vlerëson se ky ndryshim sjell garantimin e së drejtës efektive të ankimit për rezultatet e testimit dhe për informimin e maturantëve në lidhje me këtë çështje.