Institucioni I Avokatit Të Popullit Në Shqipëri Priti Sot Në Një Takim Pune Një Delegacion Nga Komisioni Europian Kundër Racizmit Dhe Intolerancës (Ecri).
![Institucioni i Avokatit të Popullit në Shqipëri priti sot në një takim pune një delegacion nga Komisioni Europian kundër Racizmit dhe Intolerancës (ECRI).](/media/manager/website/articles/ecri.jpg)
Delegacioni në fjalë ndodhet në vendin tonë për t’u njohur nga afër me situatën e respektimit të të drejtave të njeriut që përfshihen në fushën e veprimtarisë së këtij komisioni dhe ka zhvilluar takime me zyrtarë të lartë në vend si dhe ka kryer vizita në terren.
Delegacioni i ECRI përbëhej nga Christian Ahlund (Suedi), Sara Gimenez (Spanjë), Thobias Bergmann dhe Grazia Brundu.
Përfaqësuesit u pritën nga Avokatja e Popullit Erinda Ballanca, komisioneret Vilma Shurdha dhe Ermonela Xhafa si dhe anëtarë të tjerë të stafit.
Të dyja palët shkëmbyen pikëpamje në lidhje me respektimin e të drejtave të pakicave, qasjen e autoriteteve ndaj pretendimeve për diskriminim, çështjen e shpronësimeve, shtrirjen e gjuhës së urrejtjes, etj.
Avokatja e Popullit Ballanca vlerësoi lart veprimtarinë dhe raportet e ECRI dhe shprehu gatishmërinë e institucionit që ajo drejton për ta vazhduar bashkëpunimin me këtë komision të rëndësishëm ndërkombëtar, pjesë e Këshillit të Europës.